97. ÑUCA QUISHPICHIJ, CUYAJ QUISHPICHIJ

JJNY Re-mM-2-1

Ñuca Quishpichij c'uyaj Quishpichij,
sumaj Quishpichij Mandaj Jesuslla,
canllatamari yuyaricuni sumaj Quishpichij c'uyaj Jesuslla.

cai pachapica urcupi cashpa,
sachapi cashpa c'uyaj Jesuslla,
canllatamari tucui crijcuna,
Yuyaricunchij shuyacunchijlla.

shujtaj quishpichij mana tiyanchu,
Canllami cangui c'uyaj Jesuslla.
//Chaimantamari canta cantani,
chaimantamari canta mañani.//

Shamuj punllaca ñuca Jesushuan,
c'uyaj Jesushuan cushicushunmi,
Pai mandajpica llaquicunapish,
juchacunapish mana tiyanga.

cai pachacarin mushujmi canga,
chuyami canga c'uyaj Yayalla,
cunan punllaca ñuca yuyaita,
Ñuca munaita allichihuailla.

huahuacunata y uyaj cúnala,
allí yuyaita charichun cupai.
//Ñuca Quishpichij sumaj Quishpichij,
llaquihuan cajpi cushichij Jesús./'/

Cunan punllaca urcupi causaj,
sachapi causaj animalcuna,

p'iñacunami, micujcunami,
manchanayanmi c'uyaj Jesuslla.

Can shamujpica Can mandajpica,
tucui chaicuna c'uyajmi canga,
huahuacunapish tigrecunahuan,
Culebrahuanpish pungllangamari.

chashna cachunmi Can Jesustaca,
utca shamuilla nicunchijllami.
//Tucui crijcuna cushicushunmi,
tucui crijcuna samarishunmi.//