463. DIOSPAJ LLAJTACA

Re - m- 4-1
//Diospaj llajtaca sumaj llajtami Jatun Diosllami chaipica causan//
//Paipaj Churipish chaipimi causan espejo shina achij llajtapi//

CORO

//Chai llajtapica llaqui illanga, nanai illanga, huañui illanga//
//Chai llajtapimi ñuca Jesushuan, huiñai huiñaita cushicugrishun//

//Chai llajtapica Cristollatajmi achijyachinga sumajmi canga//

//Yacucunapish perla shinami, cristalman rijchaj chuyami canga//
//Callecunapish curimi canga, sumajmi canga jahua pachaca//

//Huatapaj chunga ishqui
cutinmi grano p'ucunga chai llajtapica//

//P'angacunapish jambimi canga, sumajmi canga Jahua pachaca//
//Chai llajtapimi ñuca Jesushuan huiñai huiñaita cushicugrishun//