328. SHUJ ALLÍ CUYAJ RUNAMI

MGGMi-m-2-1


//Shuj alli c'uyaj runami, Ishqui churita charishca.//
//q'uipa churimi yayaman, pai japinata mañashca.//

//Pai japishcata apashpa, caru llajtamanmi rishca.//
//Tucuita chingachishpaca, q'uipatami yuyarishca.//

//Yaricai paita japishca, yacunai paita japishca.//
//Churanapish tucurishca, achca llaquillami cashca.//

//Chaimantami yuyarishca, yayapajman tigranata.//
//Cantami p'iñachishcani, perdonahuailla nishcami.//

//Paipaj churi tigramujpi, jatun cushicuimi cashca.//
//Mushuj churanata cushca, sumaj bodata rurashca.//

//Juchayuj cunan yuyari, cambaj Yaya cayacunmi.//
//Jahua pachaman chayajpi, Sumaj bodata ruranga.//